هجوم كبير على غبطة البطريرك مار بشارة بطرس الراعي لمجرد دعوته لتطبيق الدستور وتسليم السلاح للدولة اللبنانية… وكل يللي عم يهاجمو غبطة البطرك ناسيين انو مجد لبنان أُعطي لبكركي يللي جابت اول استقلال عن فرنسا مع البطرك الحويك، وجابت الاستقلال التاني عن سوريا مع البطرك صفير واكيد رح تجيب الاستقلال التالت عن ايران وميليشياتها قريبا جدا…
تحوير وتخوين لمواقف البطريرك بس لمجرد إنو عبّر عن رأيه برفض الحرب.
في فريق مصر لليوم يضل عم يوزع شهادات بالوطنية لمناصري ويخوّن معارضي وكأن لحقنا ننسى عدد العملا اللي طلعو مغلغلين بيناتن.
رسالة الراعي واضحة : لبنان يا بدو يكون وطن لكل ولادو، أو ما بيكون. والولاء يا للبنان، يا ما إلو مطرح. والهوبرة بالسلاح غير الشرعي بلاها.
صحيح الحقيقة بتجرح بس لازم تنقال والبطريرك ما حكي غير حكي شرعي، حكي كل اللبنانيين من كل الطوائف يلي تعبو من حروب الاخرين عأرضن. المفارقة أنو الشيخ احمد قبلان يللي بيقبض معاشو من الدولة، يعني من كل اللبنانيين عم يهاجم اكترية اللبنانيين لأنن بدن الدولة يللي بتدفعلوا معاشو… بقى هل ممكن مطلب من الشيخ قبلان يوقّف ياخد معاشو من الدولة اللبنانية ويطالب ايران يللي اعلن ولائو الها انو تصير هيي تدفعلو معاشو؟
